نجوم تراستيوس

blog post 3

إيه اللي بيعمل أي نجم؟

معرفته العميقة في مجال معين؟ مجهود بيبذله؟ اصراره؟ استمراريته؟ كاريزما؟

ولا كل الحاجات دي مع بعض؟ احتمال!

اللي احنا متأكدين منه إن نجوم تراستيوس عندهم كل الحاجات دي فعلا! عندهم خبرة في حاجة معينة،  بيحاولوا يوصلوا خبرتهم دي للناس، عندهم اصرار في نشر المعلومات اللي عندهم، دايما بيرجعوا لتراستيوس في نشر أرائهم دي ومش بيتأخروا عليه، وفعلا عندهم حاجة مختلفة!

لو مش فاهمين بنتكلم على إيه هنحكيلكم حالا  Smile

في تراستيوس عندنا حلم كبير عايزين نوصله. الحلم ده هو ان احنا نخلق بيئة ايجابية الناس فيها بتساعد بعض. بتساعدهم ازاي؟ بانها تسهل عليهم قراراتهم اليومية، وتوفر عليهم مجهود ووقت وفلوس ممكن يستغلوها بـشكل أحسن.

الحلم ده مش هيتحقق غير بـناس جامدة  بتسعى عشان تحققه. الناس دي مش بس اللي بيشتغلوا في تراستيوس، دول كمان الناس اللي بيستخدموا تراستيوس وبيبنوا بنفسهم وبمعرفتهم المحتوى بتاعه. وبيساعدوا بمجهودهم ناس كتير حياتها تبقى أسهل .الناس دول أصدقائنا، ممكن نسميهم حلفائنا أو سفرائنا…أو ال Alphas بتوعنا. وفي بعضهم بنسميهم  نجوم…أو Stars. ودول اللي هنتكلم عليهم دلوقتي!

****

قيمة تراستيوس للناس بتزيد كل ما آراء الناس نفسها عليه بتزيد، ومش بس في العدد..كمان في شكل الآراء. فيه آراء  بتكون مختصرة جدا ..وآراء غير موضوعية بالمرة…بس فيه آراء تانية بتكون قوية. يعني إيه قوية؟ يعني بتقولك بالضبط كل اللي إنت محتاج تعرفه عن المنتج أو الخدمة. بيكونوا موضوعين بـشكل كبير، بيوصفوا الحاجة بـشكل مفصل نوعا ماو بيسيبوك إنت تختار عايز تجربه ولا مش ده اللي إنت عايزه فـتبعد عنه. من الآخر آراء فعلا بتساعدك تاخد القرار الصح.

النجوم بتوعنا هم اللي بشكل مستمر بيبهرونا بآرائهم الجامدة دي…وعادة ده بيكون في نفس ال category لإن بيكون عندهم خبرة كبيرة فيه. وعندهم نفس روح الايجابية اللي عند كل ال alphas بس كمان عندهم الحاجات اللي بتصنع النجوم زي ما قلنا قبل كده. عارفين هم بيتكلموا عن إيه،  وبيعملوا مجهود كبير إن هم يوصلوا خبرتهم لناس تانية تستفيد بيها. مستمرين في  كتابة الآراء لا يكلوا ولا يملوا :)) ودايما بنحس بيهم على تراستيوس. فعلا ناس مختلفة!

وعشان كده احنا قررنا نعملهم فريق خاص بيهم…اسمه فريق ال Stars !

عايزين نعرفكم على أول مجموعة من النجوم، وهي:

Blog Footer

استنوا ال post اللي جي عشان تعرفوا إزاي تبقوا Stars Wink

Leave a Reply