post_01

دلوقتي عندك فرصة إنك بمجهود بسيط تساعد الناس اللي حوليك بتجربتك و كمان تساعد حد فقير انه يبدأ مشروع صغير  يعيش منه حياة كريمة. اتفرج علي فيديو قصير بيشرح الفكرة هنا

الفكرة ببساطة انك تدخل على Trustious.com تعمل account و بعدين تعمل review للحاجات الي بتستعملها كل يوم زي تليفونك او الكمبيوتر بتاعك، الكتب الي بتقرأها، المطاعم الي بتاكل فيها، المدارس ال اولادك فيها و هكذا فالناس تستفيد و يعرفوا ايه الحاجات الكويسه و الحاجات الي نص لبه، و كل ما كان الـreview ده مفيد للناس اكتر trustious هيطلعوا فلوس اكتر يدوها لبنك الفقراء علشان يساعدوا بيها اسر فقيره بقروض يعملوا بيها مشروعات صغيرة حاجة كده زي بنك الفقراء ال عمله محمد يونس في بنجلاديش.

 إيه هي ترستيوس؟

لما تعوز تختار موبايل او مطعم او كتاب او عربية او اي منتج او خدمة تانية، ترستيوس هتساعدك بمجهود قليل تختار الانسب ليك و ومتدبسش في حاجة وحشة.  ممكن تعرف أكتر عن ترستيوس من هنا.

إيه هو بنك الفقراء؟ 

هي مبادرة خيرية عملت أكتر من ١٠٠٠ مشروع في ١٧ محافظة  لدعم الفقراء عن طريق قروض صغيرة ومتوسطة بتساعدهم يعملوا مشاريع تبقي مصدر دخل ثابت ليهم. ممكن تعرف أكتر عن بنك الفقراء هنا.

531929_363525747080768_1624170193_n

 طيب.. اشارك ازاي؟!

خش دلوقتي على ترستيوس واعمل account

هتلاقي حاجات كتير أكيد أنت جربتها قبل كده: عربيات …كتب …مطاعم.. وغيرها..

قول رأيك في الحاجات اللي جرتبها  قبل كده عشان تعرف الناس الحلو وتحذرهم من الوحش..

هيتم تقييم الأراء دي..

كل ما كان الرأي أفيد  للناس كل ما هياخد نقط أكتر.

وطبعا ممكن تشارك بنشر الموضوع وسط اصحابك :) هتلاقي تحت هنا المشاركة عن طريق facebook و Twitter و Google+

يعني ايه الرأي يكون أفيد !؟!

يعني فيه تفاصيل أكتر عن الحاجة، مكتوب بشكل منظم.. وهكذا..

كل نقطة الرأي هياخدها ترستيوس وبنك الفقراء هيخرجوا عليها 20 قرش.. الرأي الواحد مكن يوصل ل-40 نقطة يعني 8 جنيه.. تفاصيل أكتر عن التحكيم والنقط هنا.

 مستني إيه..؟ :)

رأيك بيفرق