(; حقق حلمك – بجد

يوم السبت 15/6 عملنا محاضرة بـعنوان Business Model Generation حضرها مجموعة من شباب تراستيوس الفاس!

مش عارفين إيه ده ومين دول؟! هنقولكم :)

أولا، مين تراستيوس ألفاس دول؟

ده مجتمع التراستيانز الخاص: ناس “مميزة” عرفناهم الفترة اللي فاتت..

مميزة؟ اه.. ناس مخلتفة.. ناس إيجابية، طموحة، متحركة.. ناس عندها أفكار وأحلام.. أحلام لبكرة أحسن..

عرفنا ده منين؟ من خلال تفاعلنا معاهم على الجروب الخاص بتاعنا على الفيسبوك Trustious Alphas.. الجروب عملناه للناس اللي نشاطها مميز وملحوظ

إيجابية ونشاط الناس دي بان على تراستيوس من خلال كذا حاجة: الأراء المميزة – اللي بتفيد ألاف الناس في قراراتهم اليومية – اللي بيشاركو بيها على الموقع، نشاطهم على الجروب، نشاطهم في انهم ينشروا الفكرة ويعرفوا اصحابهم بيها.. وغيره!

الألفاس دول من عيلتنا …عيلة تراستيوس.. واحنا زي كل عيلة بنحب نشارك  بعض في الحاجات المفيدة وفعل الخير وأكيد كمان الانبساط …

الحلم..!

Dream screenshot

من كام أسبوع سألنا الناس في واحدة من البوستات عن الجروب عن أحلامهم اللي نفسهم يحققوها وكان منها حاجات كتير ليها علاقة بالمجتمع واقتصاد البلد وغيره…بس كمان كان فيه ناس نفسها تعمل مشاريع وشركات صغيرة…واللي برضه بتؤثر في اقتصاد البلد بـشكل كبير. كان فيه أفكار حلوة جداً عن كل الناس وكنا متحمسين نشوف المشاريع دي على أرض الواقع!

فقولنا هنساعدهم يحطوا رجليهم على أول الطريق بـاننا نعملهم ورشة عمل اسمها: 

Business Model Generation

وده يوصلنا للنقطة التانية؛ المحاضرة..أو ورشة العمل! دي كان بيديها عمر سلامة وكانت بتكلم عن إزاي تحول الفكرة بتاعتك لمشروع قائم. إيه الخطوات اللي محتاج تاخدها ومحتاج تعمل إيه قبل إيه وتنفذه إزاي…وهكذا. اليوم ده جه فيه حوالي 20 من الألفاس و 6 من صحابهم  وبعد ما كل الناس اتعرفت على بعض.. ابتدينا ال session !

Screen Shot 2013-07-02 at 1.40.26 PM

إيه فكرة ال session؟ كتير مننا عنده أفكار قوية؛ بس مش عارف يعمل إيه عشان يحولها لواقع! فكرة لمحل حلويات، شركة IT، موقع لبيع الملابس أو حتي جمعية خيرية..

ازاي أكون فريق العمل؟ محتاج فلوس قد إيه عشان أبدأ؟ أجيب إستثمار منين؟ أعمل تسويق للفكرة ازاي؟ وغيرها اسئلة كتير، بتواجه أي حد بيبتدي يحول فكرته لمشروع قائم على الأرض كل الأسئلة دي وغيرها كتير احنا هنا مرينا بيها في رحلتنا لبناء تراستيوس..  حاولنا نجاوب عليها في ال session.. ازاي؟

من خلال ال Business Model Canvas … ودي ببساطة أداة رائعة بتخليك بسهولة ترسم – أيوة “ترسم” – كل جوانب المشروع بتاعك اللي إنت محتاج ينقي عندك تصور مبدئي ليها قبل ما تبدأ كمثال: إيه المنتج أو الخدمة اللي هتقدمها؟ مين الناس اللي هتبيعلها المنتج أو الخدمة؟ هتكسب فلوس ازاي؟ إيه مصاريفك؟ هتوصل منتجك وتعمله تسويق ازاي؟ الموارد المستخدمة؟ هتعمل شراكة مع مين – لو احتجت، وغيرهم..

Canvas

شوف الفيديو ده (دقيقتين) بيشرح ال Canvas: 


 

مشوار الألف ميل..

الجميل إن عُمر شجع الحاضرين إنهم يبدأوا فعلاً يستخدموا ال “canvas” ويملوها بـأفكارهم وهم في عز الحماس كده. للأسف الوقت ماكانش سامح إنهم يعملوا كده في المحاضرة دي بس كله مشي بـوعد إنه هيعملها في بيته وييجي يناقشها المرة اللي بعدها (السبت اللي الجي إن شاء الله) عشان نساعده.

 

******

 

عايزين نعمل فرق كبير في حياة الناس من خلال تراستيوس. وهنبدأ بـمين أهم من تراستيوس ألفاس…اللي ساعدونا نوصل للي احنا فيه انهارده؟

اتفقنا إننا نتقابل بعدها بأسبوعين عشان نشوف أفكار الناس على ال canvas ونتناقش معاهم فيها.. إيه اللي حصل لما اتقابلنا؟ إيه الأفكار اللي الناس عرضتها؟ وإيه اللي خرجنا به من لقائنا التاني؟ ده اللي هنعرفه في “البوست” اللي جاي.. انتظرونا ؛)

Screen Shot 2013-07-02 at 1.38.14 PM

 

وإنت…لو مش تراستيوس ألفاس مستني إيه؟

  • ادخل اعمل أكاونت على تراستيوس.
  • اكتب أرائك في حاجات جربتها وعجبتك (أو معجبتكش).
  • ولو كنت جامد هندور عليك وندخلك على الجروب وتبقى واحد من عيلة تراستيوس ;)

 

www.trustious.com

 

 

One thought on “(; حقق حلمك – بجد”

Comments are closed.